Cantu di u mare

Cantu Di u Mare

Simu felici assai di presentavvi u nostru ultimu duppiame : "U CANTU DI U MARE", capi d'opera di u rializatore irlandese Tomm Moore.
U filmu hè statu vistu da 4300 zitelli è più à l'occasione di a manifestazione CINEMASCOLA chì prupunia 29 seenze in 10 cinema di l'isula da u 28 di maghju à u 1u di ghjugnu.
In seguitu, u cinema Le Régent in Bastia hà prugramatu 2 seenze per tutti u sabbatu 2 è a dumenica 3 di ghjugnu.
D'altre seenze sò digià previste pè l'estate 2018 : in Aiacciu à u cinema L'Ellispe po da l'associu "Un ochju nant'à u nostru mondu", in Cervioni, à u Festivale di u Filmu di Lama, in Marignana po di nuvembre in Bastia per I Scontri di u Filmu d'Animazione.

 

Scontru cù Saveriu Giacometti

D’ottobre 2011, Silviu Giannecchini u presidente di l’associu cù Ghjuvan Liviu Casalta, u vicipresidente, scontranu in Parigi à Saveriu Giacometti u realisatore di a seria. Quellu, Corsu di a
spalluzzera, ci cunfida a so cuntintezza di vede una di e so opere adatte in a so lingua materna.
Durante u sughjornu, ci hà fattu a guida in i studii di a sucetà Médiatoon duv’ella hè realizata a fiura mossa è dinù in u studiu Audiophase duv’ella hè stata duppiata a prima stagione.
Issi scambii sò stati belli ricchi pè i membri di l’associu chì si sò famigliarizati cù e techniche muderne di duppiame.

Tags: