Cantu di u mare

Cantu Di u Mare

Simu felici assai di presentavvi u nostru ultimu duppiame : "U CANTU DI U MARE", capi d'opera di u rializatore irlandese Tomm Moore.
U filmu hè statu vistu da 4300 zitelli è più à l'occasione di a manifestazione CINEMASCOLA chì prupunia 29 seenze in 10 cinema di l'isula da u 28 di maghju à u 1u di ghjugnu.
In seguitu, u cinema Le Régent in Bastia hà prugramatu 2 seenze per tutti u sabbatu 2 è a dumenica 3 di ghjugnu.
D'altre seenze sò digià previste pè l'estate 2018 : in Aiacciu à u cinema L'Ellispe po da l'associu "Un ochju nant'à u nostru mondu", in Cervioni, à u Festivale di u Filmu di Lama, in Marignana po di nuvembre in Bastia per I Scontri di u Filmu d'Animazione.

 

Messa in ballu di u primu prugettu di l’associu

Per u 1mu prugettu di l’associu, a seria Yakari realizata da Saveriu Giacometti in u 2005 hè andata cù i so pedi. Tantu per a so qualità grafica ch’è per a so filusufia primurosa di tramandà u rispettu di a Natura è u ricusu di a viulenza.

Di ghjennaghju 2011, dopu à una presa di cuntattu cù Saveriu Giacometti, hè statu almanaccatu u prugettu. Ghjè ellu chì hà avvisatu e sucetà Belvision in Brussella è Médiatoon in Parigi di a nostra brama di fà un’adattazione di e prove di Yakari.

Prugettu:

Tags: