Cantu di u mare

Cantu Di u Mare

Simu felici assai di presentavvi u nostru ultimu duppiame : "U CANTU DI U MARE", capi d'opera di u rializatore irlandese Tomm Moore.
U filmu hè statu vistu da 4300 zitelli è più à l'occasione di a manifestazione CINEMASCOLA chì prupunia 29 seenze in 10 cinema di l'isula da u 28 di maghju à u 1u di ghjugnu.
In seguitu, u cinema Le Régent in Bastia hà prugramatu 2 seenze per tutti u sabbatu 2 è a dumenica 3 di ghjugnu.
D'altre seenze sò digià previste pè l'estate 2018 : in Aiacciu à u cinema L'Ellispe po da l'associu "Un ochju nant'à u nostru mondu", in Cervioni, à u Festivale di u Filmu di Lama, in Marignana po di nuvembre in Bastia per I Scontri di u Filmu d'Animazione.

 

Casting : si cerca una voce pè YAKARI

Di dicembre 2011 hè urganizatu un casting in a sala di cunferenza di l’ostella Thalassa in Petranera da buscà e voce di i persunagi principali di a seria.
Dopu à duie seenze di fila, Tumasgiu Falconetti, Carla Suzzarini, Emma è Tom Petrotti sò scelti da duppià à Yakari, Sbacca Bisonte, Arcubalenu è Tigliolu.
À quelle voce, s’aghjustanu quelle d’attori culturali, cantadori è cumedienti di a scena isulana.

Tags: